6 қараша 2025 жылы директордың оқу-әдістемелік жұмысы бойынша орынбасары Бейсенова А.К. «Scaffold бағдарламасы бойынша оқыту тәжірибесі» тақырыбы бойынша әдістемелік отырыс өткізді. Мақсаты: Оқытушылардың кәсіби құзыреттілігін арттыру, оқыту процесінде Scaffold тәсілін тиімді пайдалану жолдарын көрсету және тәжірибе алмасу. Іс-шара барысында қатысушыларға Scaffold бағдарламасының мазмұны, құрылымы және оқытудағы қолдану әдістері таныстырылды. Педагогтар оқу тапсырмаларын кезең-кезеңімен күрделендіру, білім алушыға бағытталған қолдау көрсету және саралап оқыту тәсілдерін тәжірибелік тұрғыда талқылады. Оқытушылар өз сабақ үлгілерін ұсынып, кері байланыс пен пікір алмасу ұйымдастырды. Отырыс соңында қатысушылар Scaffold тәсілінің білім алушылардың сыни ойлау, өзіндік ізденіс және жауапкершілік дағдыларын дамытуға ықпал ететінін атап өтті. Әдістемелік отырыс қатысушыларына Scaffold әдісін оқу процесіне енгізудің нақты стратегиялары ұсынылды. Мұндай әдістемелік қолдау оқытушылардың заманауи педагогикалық технологияларды тиімді қолдануына мүмкіндік береді.