«Басшының үздік орынбасары» облыстық конкурсы

2025 жылғы 28 қарашада «Абай облысы білім басқармасы» ММ "Облыстық инновациялық-әдістемелік орталық" КММ және колледждер директорлары орынбасарларының ОӘБ бірлесіп ұйымдастырған облыстық «Басшының үздік орынбасары» конкурсы өтті.

Конкурс Қазақстан Республикасының білім саласына қатысты негізгі заңдары мен нормативтік-құқықтық актілерді басшылыққа ала отырып өткізілді. Конкурстың мақсаты– техникалық және кәсіптік білім беру саласында білім беру ұйымдары басшыларының орынбасарларының көшбасшылық әлеуетін анықтау, инновациялық менеджментті насихаттау және озық басқарушылық тәжірибені тарату.

Байқау облыстың техникалық және кәсіптік білім беру жүйесінде басқарушылық құзыреттілікті арттыруға, тәжірибе алмасуға және заманауи менеджмент үлгілерін қолдауға бағытталған маңызды кәсіби алаң болды.

Байқауға колледжден директордың оқу жұмысы жөніндегі орынбасары С. Жумабекова, оқу-тәрбие жұмысы жөніндегі орынбасары Л. Иванова, оқу-әдістемелік жұмысы жөніндегі орынбасары А. Бейсеновалар қатысып жүлделі І орында иеленді. Әріптестерімізді жеңістерімен құттықтаймыз!