Шымкентте Masterskills Республикалық конкурсы өтті

2026 жылы 27 сәуір мен 30 сәуір аралығында Шымкент қаласында Сервис және қызмет көрсету саласының «Сән технологиясы» бағыты бойынша педагогтер арасында MasterSkills республикалық кәсіби шеберлік конкурсы өтті.
Конкурс педагогтердің кәсіби деңгейін арттыруға және сән технологиясы саласындағы озық тәжірибелерді дамытуға бағытталған. Конкурс шығармашылық пен инновацияны ұштастыратын маңызды алаң. Конкурс 5 модульден тұрды.Қатысушылар теориялық тест тапсырып, кейін әйелдерге арналған маусымдық тренч үлгісін әзірлеу бойынша практикалық тапсырмаларды орындады. Сонымен қатар, 15 сағат ішінде дайын бұйым тігіп шығуы тиіс.Жалпы, конкурс кәсіби тәжірибе алмасуға мүмкіндік беріп, техникалық және кәсіптік білім беру сапасын арттыруға ықпал етеді.Аталған конкурсқа «Бизнес және сервис жоғары колледжі» КМҚК «Тігін өндіріс және киімдерді үлгілеу» мамандығының арнайы пән оқытушысы Сексенбаева Зухра Газизовна қатысып, жүлделі 2 орынға ие болды. Жеңіс құтты болсын!!!