Өндірістік практика барысында: студенттеріміз Семей мұражайларын бағындыруда

2026 жылғы 18 мамырда дәстүрлі республикалық «Мұражай түні» акциясы аясында Семей қаласында Ф. М. Достоевский, Абай және Өлкетану мұражайларының алаңдарында мерекелік іс-шаралар өтті.
Іс-шара бағдарламасында көрмелер, квиздер, шеберлік сабақтары, Ә. Бөкейханов бейнесіндегі театрландырылған саяхат, суретшілер алаңы, поэтикалық баттл, квестер, балалар алаңы, мультимедиялық құрылғылардың таныстырылымы және «Мұражай жәдігерлері жасанды интеллект (ЖИ) көзімен» жобасы ұсынылды.
Аталған іс-шараны өткізуге колледжіміздің 21 ТУР тобының білім алушылары белсене қатысып, экскурсовод рөлін атқарды. Білім алушылар өздерінің жоғары кәсіби дағдылары мен келушілермен жұмыс істей білу шеберліктерін көрсетіп, өз колледжінің атын лайықты дәрежеде қорғап шықты.