• Студенттік өмір
• Халықаралық әріптестік
• Нормативті-құқықтық актілер
• Мемлекеттік қызметтер
• СМЖ
• Білім беру бағдарламалары
• Білім беру бағдарламаларының тізбесі
• Әлеуметтік әріптестік

Абай облысы деңгейіндегі жоғары марапат – колледжіміздің мақтанышы!

Абай облысы деңгейіндегі жоғары марапат — колледжіміздің мақтанышы!
2026 жылғы 10 маусымда Абай облысы Білім басқармасының «Сапалы білім – өңір дамуының кепілі: қорытынды, тәжірибе және болашақ міндеттер» тақырыбындағы кеңейтілген алқа мәжілісі өтті. Ауқымды шараның бағдарламасы салтанатты марапаттау рәсімімен қорытындыланып, бұл күні колледжіміз үшін үлкен жетістікке толы болды.
«Бизнес және сервис жоғары колледжі» КМҚК-ның екі білікті педагогі облыстық деңгейде жоғары марапаттарға ие болды.
Еліміздің білімді де бәсекеге қабілетті ұрпағын тәрбиелеу мен оқыту ісіне қосқан зор үлесі үшін Абай облысы Білім басқармасының басшысы Б. Ердембеков арнайы марапаттарды табыстады.
Марапат иелері:
Жұмабекова Самал Борібайқызы – оқу жұмысы жөніндегі директордың орынбасары.
Абай облысы Білім басқармасының Құрмет грамотасымен марапатталды;
«Үздік маман» номинациясы бойынша 200 000 теңгелік сертификатқа ие болды.
Ақанова Перизат Рымғазықызы – колледждің аға шебері.
Абай облысы Білім басқармасының Құрмет грамотасымен марапатталды;
«Үздік колледж қызметкері» номинациясы бойынша 200 000 теңгелік сертификатқа ие болды.
Құрметті әріптестерімізді осы жоғары әрі лайықты марапаттарымен шын жүректен құттықтаймыз!
Бұл – сіздердің күнделікті қажырлы еңбектеріңізге, кәсіби шеберліктеріңізге және таңдаған мамандықтарыңызға деген адалдықтарыңызға берілген әділ баға. Сіздер колледжіміздің сенімді тірегі, жас мамандарға үлгі және ұжымымыздың мақтанышысыздар.
Сіздерге зор денсаулық, сарқылмас шабыт, отбасылық амандық және білім беру саласындағы жаңа жетістіктер тілейміз. Еңбекке деген құштарлықтарыңыз бен шығармашылық жігерлеріңіз студенттер мен әріптестерге әрдайым күш-қуат беріп, алдағы уақытта да жаңа белестерді бағындыруға жетелей берсін!
Сіздермен мақтанамыз! Құттықтаймыз!