• Студенттік өмір
• Халықаралық әріптестік
• Нормативті-құқықтық актілер
• Мемлекеттік қызметтер
• СМЖ
• Білім беру бағдарламалары
• Білім беру бағдарламаларының тізбесі
• Әлеуметтік әріптестік

«Жас зерттеушілердің шығармашылығы - бәсекеге қабілетті мемлекетті қалыптастыруға үлес»

2018 жылдың 26 қазанында Семей қаласының Геологиялық барлау колледжінде «Жас зерттеушілердің шығармашылығы-бәсекеге қабілетті мемлекетті қалыптастыруға үлес» атты Альмуханов Марал Альбекович естелігіне арналған II облыстық студенттік ғылыми- тәжірибелік конференция өтті.

Бұл конференция жыл сайын өткізіледі. Конференция жұмысы келесі бағыттар бойынша секциялық отырыс түрінде өтті:

1. IT технологияларын дамыту Қазақстан экономикасын жедел технологиялық жаңғыртудың бірінші басымдығы ретінде.
2. Болашақ маманның кәсіби қызметіндегі сөйлеу мәдениетінің рөлі
3. Жаратылыстану-ғылыми зерттеулер қоғам дамуының прогрессивті факторы ретінде.
4. Тарихи және мәдени дәстүрлерді сақтау-Қазақстанның табысты болашағының кепілі.
5. Алдыңғы қатарлы технологияларды зерттеу-болашақ маманның кәсіби құзыреттілігін дамыту факторы ретінде.

Конференцияға Бизнес және сервис колледжінің студенттері «Ағылшын тілі», «Қазақ тілі» және «Химия» пәндері бойынша қатысты.

Ғылыми жаратылыстану пәндері секциясында колледж студенті Болатбек Сындар (жетекшісі –химия пәнінің оқытушысы Дюсембекова Самал Мұратқызы) «Үздік зерттеу» номинациясы бойынша дипломмен марапатталды.

Тіл пәндері секциясында колледж студенті Даулетказина Құралай (21 ТУР) (жетекшісі - ағылшын тілі оқытушысы Карипова Айдана Айдынқызы) «Ерекше танылған еңбек» номинациясы бойынша грамотамен марапатталды, ал Сейтбек Малика (жетекшісі-қазақ тілі оқытушысы Кантарбаева Индира Сакеновна) қатысқаны үшін сертификатпен марапатталды.